Este Mosteiro atópase no centro da pobo de Montederramo, enfronte ao concello e a caracocha. Actualmente conta con visitas guiadas case tódolos días da semana. Para máis información, preme no botón de reservas.
Case non existen documentos que permitan datar de forma exacta o Mosteiro de Montederramo, e os seus primeiros anos. Debido a isto, existen diversas hipóteses do seu orixe. A maioría dos historiadores, din que o inicio da historia do Mosteiro de Santa María de Montederramo comeza coa doazón de Dona Teresa de Portugal, no ano 1124, ao abade Arnaldo; documento no que aparece o termo Rovoyra Sacrata. Non obstante, outros historiades sinalan que este documento é falso; de finais do século XII ou comezos do XIII; aínda que a orixe do ano 1124 si podería ser o correcto.
Tamén está en dúbida o seu emprazamento orixinal. Este podería ser en Seoane Vello (Actual Graña de Seoane), que se atopa a 7 km de Montederramo; que posteriormente se trasladaría ata o seu emprazamento actual. E aínda que tampouco se poden especificar datas deste traslado, si se considera probado que este tivo lugar.
O mosteiro comezou sendo benedictino e dedicado a San Juan, para despois pertencer a orde do Císter. A desamortización de 1835 fixo que os monxes abandonaran a vida no mosteiro.